Նշանակալից անձնաւորութիւններ

Պատմութեան ընթացքին հայերը Կիպրոսի մէջ նշանակալի ներդրում ունեցած են անոր զարգացման համար՝ սկզբնապէս որպէս զինւորոներ եւ գիւղացիներ, այնուհետեւ՝ որպէս առեւտրականներ եւ հողատէրեր ու վերջապէս՝ որպէս արհեստաւորներ եւ գործարարներ, ինչպէս նաեւ որպէս գրողներ, գիտութեանց եւ արուեստի գործիչներ:

Ցեղասպանութենէն առաջ Կիպրոսի մէջ ապրած հին հայերէն յիշատակութեան արժանի են, ի թիւս այլոց, հողատէրեր Պօղոս Երամեան (1840-1918), Աբգար Գիւվէզեան (1857-1922) եւ Արթին Պէյ Մելիքեան (1858-1921), գործարարներ Տիգրան Ուզունեան (1870-1957) եւ Մովսէս Սուլթանեան (1884-1977), ինչպէս նաեւ ջրային զարգացման վարչութեան տնօրէն Վահրամ Լեւոնեան (1896-1976), Կիպրոսի նամակատուփի գրասենեակի գլխաւոր տնօրէն Արամ Գէորգեան (1888-1976) եւ բրիտանական վարչակազմի գլխաւոր թարգմանիչ եւ գլխաւոր մեկնաբան Աբիսողոմ Ուտիճեան (1853-1929):

Ցեղասպանութենէն փրկուած փախստականներէն ոմանք իրենց հետքը թողած են Կղզիի պատմութեան մէջ, ինչպիսիք են՝ յայտնի երաժիշտ եւ խմբավար Վահան Պետելեանը (1894-1990), լրագրող Ճորճ Տէր Փարթողը (1923-2008), հետազօտող եւ («Ռոմատթիք Կիպրոս») գիրքի հեղինակ Գէորգ Քէսեանը (1909-1996), լուսանկարիչներ Հայկազ Մակոյեանը (1907-1970) եւ Էդուարդ Ոսկերիչեանը (1902-1990), Տէր Յակոբ Քհնյ. Բակամուտեանը (1910-1996), յայտնի սրտաբան եւ Նիկոսիոյ գլխաւոր հիւանդանոցի տնօրէն Բժ. Վաչէ Քալփեանը (1923-1992) եւ Սուրբ Յովհաննէս միաբանութեան տնօրէն Սոնա Եղիայեանը (1915-2007): Այլօք փայլած են արտերկրի մէջ, ինչպէս՝ յայտնի ջութակահար Մանուկ Բարիքեանը (1920-1987), լրագրող Շահէ Քէպէնլեանը (1920-2007), Յունաստանի Հայոց Թեմի առաջնորդ Սահակ Այվազեանը (1929-2003) եւ Մեծի Տանն Կիլիկիոյ Ն.Ս.Օ.Տ.Տ. Խորէն Ա. Բարոյեանը (1914-1983):

Ցեղասպանութիւնը վերապրած սերունդի ժառանգորդներէն շատեր դարձած են ականաւոր գործիչներ ինչպէս Կիպրոսի, այնպէս ալ անոր սահմաններէն դուրս: Անոնցմէ է ականաւոր քաղաքական գործիչ Մարիոս Կարոյեանը (ծնեալ՝ 1961-ին), որ 2008-2011 թուականներուն եղած է Կիպրոսի Հանրապետութեան Խորհրդարանի նախագահը:

Աղբիւր՝ Մամլոյ եւ տեղեկատուութեան գրասենեակ, «Կիպրոսի Հայերը» հրատարակութիւն